TO BRET NOH IA LA KI JINGKIT BAKHIA
✝️TO BRET NOH IA LA KI JINGKIT BAKHIA ✝️ To wan ha nga, phi baroh ki bathait bad bakhia ka jingkit, te ngan pynjem ïa phi. ~ Mathaïos 11:28. |Mr. M.P Mawkon, Nongjri| |Dated Shillong, 4 th Naitung 2023| Bunsien kum ki briew ha ka jingim briew ba tlot ngi ju kit sah ia ki jingkit bakhia ha la ka jingim. Ngi ju kit ruh wat ia ki jingkit bakhia ki bym dei hok ban kit. Ka jingkylli ha kane ka por ia ngi iwei pa iwei ka long, Hato ioh don napdeng jong phi kiba don ka jingkit kaba khia ba phi kit sah ha lade ha kane ka khyllipmat? To kylli ha lade shimet shimet, ka jingkit bakhia aiu ba nga kit kiba ban khia ia nga? Ka pop, ka jingsheptieng, ka jingleh bakla, ka jingsngewsih, ka jingkhuslai, ka jingbuh shun, ka jingpang jingshitom, ki jingkyrni ba sniew, ka jingbabe kylla bad kiwei kiwei. Bad kine ki ban khia ia ka jingim jong phi met bad mynsiem. Ha ka shithi kaba nyngkong jong U Petros 2:24 u ong, " Uba da lade hi u la bah noh ïa ki pop jong ngi ha ka met jong u halor kata ka di...