PHIM LONG MARWEI

“PHIM LONG MARWEI". 

 DA U SAMLA M.P MAWKON

HEBRU 13:5 "NAMAR U HI U LA ONG, NGAN YM IEHNOH NOH IA ME DA LEI LEI, LYMNE NGAN YM LEH LYNDET NOH IA ME DA LEI LEI" 

Ha ka jingnangrhem jong kane ka thma ba kynja mynsiem, Ha kaba kum kata ka por LA PYNSHOI ia ngi ban NGEIT ba U BLEI um sngew shuh ne iohi shuh ia ngi ne ba U Blei u la phai noh na ngi, u la jngai noh na ngi bad u la iehnoh ia ngi hapdeng kane ka thma. Hynrei kam dei kumta. Ka dei tang ka buit sianti ba apthap jong U SOITAN (It’s one of Satan’s greatest tactics) ban pynbieit bad ban SHUKOR noh ba U BLEI u la IEHNOH IA NGI ne BA U BLEI U LA LYNDET NOH NA NGI NE KA JINGIEID JONG U KAM DON SHUH IA NGI (To convince us that the Lord has abandoned us and forsaken His love for us). HYNREI HAPDENG JONG KATA KA JINGSHUKOR BAH JONG UNE U SYIEM KA JINGDUM BAD U SYIEM KA JINGSHUKOR BAD LAMLER, KA KTIEN U BLEI KA LA IENG JUNOM BAD SHYNNA BA, “KA KTIEN U BLEI KAM JU KYLLA” bad U BLEI UM YM IEHNOH NE LYNDET NOH DA LEI LEI IA NGI BAROH (In the face of the father of lies, God’s Word stands forever true and unchanging. He will never leave or forsake us). Ka JINGPYNIM ka jong U BLEI kan wanrah ia KA KULAR JONG U PARALOK U BYM JU KYLLA. Kum ka Kmie ka bym lah ban klet noh ia la i khun ba dang buin. Kumjuh U Blei u la thaw ia ngi da la ka kti bad pyrsad ia ngi da la u mynsiem, UN YM IEHNOH DA LEI LEI IA NGI (Isaiah 49:15). Haoid kumba KA KTIEN U BLEI KA LA IATHUH, BA SHISHA KA KMIE KA LAH BAN KLET IA LA I KHUN KUMBA NGI JU IOHI BA KI DON KITA KI KHUNLUNG BA LA IOHTAM NOH NAMAR LA BRET NOH DA KA KMIE, HYNREI UNE U BLEI JONG NGI UM LONG KUMTA. Namar u la thoh ia ka kyrteng jong ngi ha ki Lynghoh Kti bad ki Sla Kti jong U junom kaba pynpaw ia ka JINGIEID BAD KA JINGIADEI Jong Ngi bad U NONGTHAW. Ngim dei ban sngewduh Mynsiem noh ha kane ka Thma ba kynja Mynsiem jong ngi hangne ha Pyrthei haba Une U TRAI jong NGi U DANG SNGAP JAR bad ba phim iohsngew shuh ia KA SUR jong U hapdeng KINE KI JINGSAWA KA PYRTHEI KIBA PYNJABOH bad kiba kwah ban ker ia ka sur u Blei hapdeng jong ngi ha kane ka JINGIALEH bad ka THMA. Hynrei to wan kham hajan shuh shuh ha U Blei. SNGAP BHA BAD PYNSHAH SHKOR BHA IA LA KI SHKOR ha KATA KA JINGBTHAH JONG U BAN IAID IA KATA KA LYNTI KABA U LA ONG, “KANE KA LONG KA LYNTI TO IAID PHI HA KA”. U ISAIAH U DON BAN ONG KUMNE, ISAIAH 30:21, ‘BAD KI SHKOR JONG ME KIN IOHSNGEW IA KA KTIEN HADIEN JONG ME, KA DA ONG, KANE KA LONG KA LYNTI TO IAID PHI HA KA; HABA PHI PHAI SHA KA KTI KAMON BAD HABA PHI PHAI SHA KADIANG” HYNREI TO NGIN IAI THUNG IA KA MYNSIEM JONG KA JINGKOHNGUH HA KI JINGPYNIAID BAD HA KATA KA LYNTI KABA U LA PYNI BAD U LA DEP AI HA NGI(Persevere in obedience to the instructions that He last gave). Wat duh mynsiem noh haba phi iohi ba U BLEI U SNGAP JAR shipor. Ym dei ba u la iehnoh ne lyndet noh ia phi. HYNREI KA JINGSHISHA KA DEI HA KABA PHIM IOHI BAD PHIM TIP, UNE U BLEI UBA IEID EH IA NGI U DANG IAI IALEH NA BYNTA JONG NGI. HA KA POR KABA BIANG KA JONG U, UN SA PYNPAW SHYNNA BAD SHAI KDAR BA KUMNO KA KTI KABA DONBOR JONG U KA LA LEH IA KI KAMBAH BAN PYLLAITLUID IA NGI (In His time, He will reveal how His hand has orchestrated your deliverance). KUMTA KO PARABANGEIT BAD KO KI PARALOK JONG NGA, TO NGIN YM SHAH IALAM BAKLA HA KI JINGPAH JINGPHON JONG KA JINGLAMLER UNE U NONGSHUN U BYMMAN UBA LONG U SOITAN. NAMAR U BLEI UN YM IEHNOH NE LYNDET NOH IA NGI DA LEI LEI. HADUH KABA WAI NOH KA PYRTHEI UNE U BLEI UN IAI LONG RYNGKAT BAD NGI. U BLEI UN KYRKHU IA NGI BAROH.