ÏA LADE HI TO ÏIT PHI

🕊️ÏA LADE HI TO ÏIT PHI🕊️ 

Ïa lade hi to ïit phi la phi long ne em ha ka jingngeit; ïa lade hi to phrang phi. Hato phim ithuh ïa lade, ba U Jisu Khrist u don ha phi? lymda phi long kiba la kyntait noh. ~ 2 Korint 13:5. 

|Mr. M.P Mawkon, Nongjri| 
|Dated Shillong, 30th Naitung 2023| 

 U Paul u la ai mynsiem ia ki Khristan ha Korint ba kin ïit bad phrang ia lade. Nangta u la buh ruh ia kawei ka jingkylli, Hato phim ithuh ïa lade, ba U Jisu Khrist u don ha phi?

Kane ka bynta kam don eiei ban kren ia ka Jingngeit, hynrei ka dei ba kum KI KHRISTAN kin sngewthuh ba U JISU u im bad don ha ki. Ha kine ki sngi mynta ruh bun ki Khristan bad ki bangeit ki don ia kane kajuh ka jingeh bad ka jingtlot. Haoid ngi ngeit ha ka jingai sngewbha jong KA JINGPYNIM hynrei bunsien ngim kynmaw bad ngim kheiñ kor pat ia U Trai Jisu Khrist uba la mihpat bad uba la shong hapoh ha ngi bad ha ka Jingim jong ngi. 

Ka long ka jingsngewkmen ba U Trai Jisu Khrist u don hapoh ha ngi. Uta uba la jop noh ia ka jingiap bad jingtep bad uba la bat ia u shabi jong ka JINGJOP thiaw u im hapoh ha ngi. Uta uba la pynjaijai ia ka 'eriong 'erlangthari u tang shu hukum tang shi kyntien u im hapoh ha ngi. Ale ryngkat bad U Apostol Ïoannis ngin ia ong lang, "Naba u long uba kham khraw uba ha phi ban ïa uba ha ka pyrthei." (1 Ïoannis 4:4). 

Lada uta uba lah ban rat noh ia ki lumbah u don bad ngi, ym don kino kino ki bor ka jingdum bad ki jingeh kiba um lah ban weng noh. Lada u kapten jong u paidïapom jong U Trai u don bad ngi, ym don kino kino ki bor kiba lah ban ieng pyrshah ia ngi. Lada u MAWSIANG jong ngi bad KA BOR jingiada jong ngi ki don bad ngi, ngin ym sheptieng noh da lei lei ruh. 

Kylli biang ia lade ia kane ka jingkylli mynta ka sngi, "Hato phim ithuh ïa lade, ba U Jisu Khrist u don ha phi?" 

To pynskhem ia lade halor kane ka jingshisha. Phi long ki Khun jong U BLEI. Kumta lada phi lah tip ia kane ka jingshisha, to im ruh ha ka.

Comments

Post a Comment

Popular posts from this blog

DA KA JINGAIEI LA PYNIM

"DA KA JINGAIEI LA PYNIM" Namar da ka jingaiei la pynim ïa phi, da ka jingngeit keiñ; kata ruh, ym na phi hi; ka long ka jingai U Blei: ym da ki jingleh keiñ, ba uno uno ruh un ym ïoh ban sngewsarong. ~ Ephesos 2:8‭-‬9. |Mr. M.P Mawkon, Nongjri|  |Dated Shillong, the 19 th  Naitung  2023| Ha kjat jong ka Diengphna, U Blei u la theh noh buk ia la ka jong ka JINGAIEI da ka JINGPYNIM . Ka jingbha kor tam jong U Blei ka paw ha ka jingshah shitom jong U Khrist haduh ban aiti ia la ka jingim ban pynim ia ngi wat la ngim dei hok ban ioh ruh.  Naduh ba sdang jong ka Pyrthei, U Blei u la peit shaiñ sha ngi da ka jingieid bad u la dep pyrkhat lypa ruh ban ting khun ia ngi kum la ki jong hi. Lyngba ka jingdapbiang jong ka BUROM ka JINGAIEI Blei   jong u, kaba u la ai ei ha ngi ha uta U Ba-ieit (U JISU KHRIST) (Ephesos 1:6). Da ka JINGAIEI jong U Blei la thied noh ia ka JINGPYNIM jong ngi da ka snam jong U JISU KHRIST . La sait khuid noh phar ia ki pop jong ngi bad la...
Read more

Ko Thapbalieh.

Image
  Ko Thapbalieh. Haba marwei nga peit sawdong. Ia baroh ki jingthaw bad jingpynlong, Ngam lah khlem da iaroh ia Jingmaian Blei, Jingthaw bunjait bun rukom ha ka Pyrthei. Ko Thapbalieh, Ko Thapbalong, Phi phuh itynnad ha bun ki rong, Ha Kper Syntiew phi her sngewbha sawdong, I'U TRAI NONGTHAW ban PYNDONBUROM . Da ki rong bunjait bad bun rukom, U Blei ia phi u la suit rong, Ba baroh kiba peit sha phi, Ia ka ksangti Blei ba kin iohi. Haba pyrkhat kumno ia phi ba la pynlong, Na ki pylleng sha u 'ñianglong, Na u ñianglong sha ki thabalieh ba itynnad, Ha la ki rong ki rong ba la pynlong da U KYNRAD. La thoh da U M.P Mawkon, Nongjri P/O Pynursla .
Read more

PHIM LONG MARWEI

“PHIM LONG MARWEI".     DA U SAMLA M.P MAWKON HEBRU 13:5 "NAMAR U HI U LA ONG, NGAN YM IEHNOH NOH IA ME DA LEI LEI, LYMNE NGAN YM LEH LYNDET NOH IA ME DA LEI LEI"  Ha ka jingnangrhem jong kane ka thma ba kynja mynsiem, Ha kaba kum kata ka por LA PYNSHOI ia ngi ban NGEIT ba U BLEI um sngew shuh ne iohi shuh ia ngi ne ba U Blei u la phai noh na ngi, u la jngai noh na ngi bad u la iehnoh ia ngi hapdeng kane ka thma. Hynrei kam dei kumta. Ka dei tang ka buit sianti ba apthap jong U SOITAN (It’s one of Satan’s greatest tactics) ban pynbieit bad ban SHUKOR noh ba U BLEI u la IEHNOH IA NGI ne BA U BLEI U LA LYNDET NOH NA NGI NE KA JINGIEID JONG U KAM DON SHUH IA NGI (To convince us that the Lord has abandoned us and forsaken His love for us). HYNREI HAPDENG JONG KATA KA JINGSHUKOR BAH JONG UNE U SYIEM KA JINGDUM BAD U SYIEM KA JINGSHUKOR BAD LAMLER, KA KTIEN U BLEI KA LA IENG JUNOM BAD SHYNNA BA, “KA KTIEN U BLEI KAM JU KYLLA” bad U BLEI UM YM IEHNOH NE LYNDET NOH DA LEI LEI...
Read more